امـال
أقول امال أشوف امالى بتتجــدد
أقول امال مباهج الدنيا في عيني تتحـــدد
أقول امال قطار الشوق يسافر بي بلاد ابعد
أقول امال متين أوصل؟ تطول قضبانو تتمدد
أقول امال هناك ترجاني نتسالم ونتقالــــــد
أقول امال دموع الفرحة تفضحني وتبل الخد
أقول امال أشوف الكون بدون راح انتشى وعربد
أقول امال ولحن الريدة يا دوب من جديد يولد
أقول امال أهيم في نشوة أقضى ليالي بتعبد
أقول امال أشوف آمال محط امالقليب مجهد
أقول امال ولطوى جراحي ،باب الهم خلاص يوصد
أقول امال ينابيع صافية نشرب منها ونسعـــــــد
أقول امال محاسن لا نهائية ومحال لي زول بتتعدد
أقول امال سنابل خضرا فوقا الطير فرح غرد
أقول امال ترانيم حلوة ليها قليبي يتوســد
أقول امال وأخاف امالى يا امالى تتبـــدد
أقول امال في رحلة عمري حبك بيهو بتزود
الخميس يونيو 10, 2010 10:02 pm