سكنت الجرح
كفاك دموع يا قلبي ترى دمعك على غالي
أنا مالي بها الدنيا سواك أحد يواسيني
دخيلك حتى لو صاحت جروحك ترفق بحالي
أخاف صياحها يحي جروح ميتة فيني
صعيبه والله هالدنيا على مثلك وأمثالي
صغار عالحزن لكن أبت تستوعب سنيني
سقتني المر في عمر شرب به غيري الحالي
وكل ما صحت يادنيا ذبحني المر تسقيني
وحيده عشت أنادي الفرح لجروحي ولا جالي
رحلت بكل صوب وما لقيت اللي يداويني
وتراها ما غدت تفرق معي لو طال ترحالي
أنا أصلا سكنت الجرح وضاعت به عناويني
عشقت الحزن مو برضاي وعيا الوقت يصفالي
ويوم انه رجف دمعي ذبحته في وسط عيني
لك الله وش يفيد الدمع ولو هو سيل متوالي
لك الله امسح دموعك ترى هالدمع يشقيني
مصير جروحنا تذبل قصر هالعمر أوطالي
وإذا جرحك أبى يبرى بضمده بشراييني
الخميس سبتمبر 03, 2009 8:54 am
